Menyu
thumbnailZUGLK2MI.jpg

Xəbərlər

Son xəbərlərlə tanış olun
Bakının 20 çimərliyində beynəlxalq ekoloji aksiya keçirilib

Bakının 20 çimərliyində beynəlxalq ekoloji aksiya keçirilib

21.09.20

Ölkənin bir sıra nüfuzlu şirkətləri, dövlət qurumları və qeyri-hökumət təşkilatları bir araya gələrək Beynəlxalq Sahilyanı Təmizlik Günü çərçivəsində sentyabrın 19-da Bakı çimərliklərində “Xəzəri qoruyaq” şüarı ilə təmizlik aksiyası keçirib.

 Belə ki, Bakının 20 çimərliyində keçirilən aksiyanın əsas təşkilatçıları “Coca-Cola”, “ASAN xidmət”, PASHA Bank, Bakcell, Ekologiya və Təbii Sərvətlər Nazirliyi, “Carlsberg” və “AzEcol” şirkətləridir. Tədbirə qatılan və dəstək olan digər qurumlar sırasında isə “ASAN Könüllüləri”, Azərbaycan Dövlət Reklam Agentliyi, ASAN Radio, AFFA, Milli Olimpiya Komitəsi və Azərbaycan Velosiped İdmanı Federasiyası yer alıblar.

Ekoloji durumun yaxşılaşdırılması, əhalinin maarifləndirilməsi və ətraf mühitə məsuliyyətlə yanaşmanı təbliğ etmək məqsədilə Azərbaycanda artıq 10 ildir keçirilən aksiya çərçivəsində bu il Bilgəh, Novxanı, Mərdəkan, Pirşağı, Şıxov, Hövsan, Sumqayıt ərazisində olan çimərliklər tullantılardan təmizlənib. Ölkədə ətraf mühit məsələlərinə artan diqqət və marağdan dolayı hər il bu ekoloji aksiya genişlənir, böyük sayda könüllülər, qurumlar və şirkət əməkdaşları, onların ailə üzvləri tədbirə qoşulublar.

Pandemiyaya görə aksiya bir qədər fərqli formatda keçirilsə də, hədəfinə çatıb. Belə ki, əvvəlki illərdən fərqli olaraq sosial məsafə qaydasına riayət etmək məqsədilə bu dəfə aksiya 10 nəfərdən ibarət bir neçə qrup tərəfindən xüsusi ayrılmış sektorlar üzrə həyata keçirilib. Aksiyada iştirak edənlər əraziləri 5 min ton həcmində tullantıdan təmizləyib. Tədbirdə toplanan tullantılar təkrar emala və utilizasiyaya yönləndirilib.

Aksiyada həmçinin, sosial media fəalları – Tahel Yüzbəyov, Əlixan Rəcəbov və Günel Fərhadlı da iştirak edib.

Azərbaycan Respublikası Nazirlər Kabineti yanında Operativ Qərargahın müvafiq qərarına uyğun olaraq bütün aksiya iştirakçıları tibbi maska və antiseptik vasitələrlə təmin olunublar və sosial məsafənin qorunması, o cümlədən Azərbaycan Respublikasının ərazisində tətbiq edilən xüsusi karantin rejimi dövründə mövcud məhdudiyyətlər nəzərə alınıb. Bütün aksiya iştirakçıları təşkilatçılar tərəfindən nəqliyyat, idman köynəkləri, sərinləşdirici içkilər və qida, həmçinin təmizlik ləvazimatları ilə təmin olunublar.

 Qeyd edək ki, Son 30 il müdətində dünyanın 100-dən çox ölkəsi hər il sentyabr üçüncü şənbə gününü Beynəlxalq Sahilyanı Təmizlik Günü kimi qeyd edir. Sahilyanı Təmizlik Günü Yer kürəsində su hövzələri sahillərinin tullantılardan təmizlənməsinə yönələn ən irimiqyaslı könüllü hərəkatıdır. Bu məqsədlə bütün dünya üzrə on minlərlə insan könüllü olaraq yaşadıqları ərazilərin sahillərini tullantılardan təmizləyirlər. Təmizlənən ərazilərdən toplanan tullantılar qeydə alınaraq məlumatlar “Ocean Concervancy” beynəlxalq təşkilatına göndərilir. Həmin məlumatlar isə öz növbəsində dünya su hövzələrinin təmizlənməsi haqqında ölkələr üzrə beynəlxalq hesabatlarda əks olunur.  

 

Bakının 20 çimərliyində beynəlxalq ekoloji aksiya keçiriləcək

Bakının 20 çimərliyində beynəlxalq ekoloji aksiya keçiriləcək

17.09.20

Bakı – 17 sentyabr 2020-ci il. Ölkənin bir sıra nüfuzlu şirkətləri, dövlət qurumları və qeyri-hökumət təşkilatları bir araya gələrək bütün dünyada qeyd olunan Beynəlxalq Sahilyanı Təmizlik Günü çərçivəsində sentyabrın 19-da Bakı çimərliklərində “Xəzəri qoruyaq” şüarı ilə təmizlik aksiyası keçirəcək. Beləki, sentyabrın 19-da Bakının 20 çimərliyində keçiriləcək aksiyanın əsas təşkilatçıları “Coca-Cola”, “ASAN xidmət”, PASHA Bank, Bakcell, Ekologiya və Təbii Sərvətlər Nazirliyi, “Carlsberg Azerbaijan” və “AzEcol” şirkətləridir. Tədbirə qatılan və dəstək olan digər qurumlar sırasında isə “ASAN Könüllüləri”, Azərbaycan Dövlət Reklam Agentliyi, ASAN Radio, AFFA, Milli Olimpiya Komitəsi və Azərbaycan Velosiped İdmanı Federasiyası yer alıblar. 

Son 30 il müddətində dünyanın 100-dən çox ölkəsi hər il sentyabr üçüncü şənbə gününü Beynəlxalq Sahilyanı Təmizlik Günü kimi qeyd edir. Sahilyanı Təmizlik Günü Yer kürəsində su hövzələri sahillərinin tullantılardan təmizlənməsinə yönələn ən irimiqyaslı könüllü hərəkatıdır. Bu məqsədlə bütün dünya üzrə on minlərlə insan könüllü olaraq yaşadıqları ərazilərin sahillərini tullantılardan təmizləyirlər. 

Azərbaycan da bu beynəlxalq ekoloji aksiyada “Xəzəri qoruyaq” şüarı ilə artıq 10 ildir iştirak edir və ildən-ilə aksiyanın miqyası genişlənir. Ölkəmizdə ətraf mühit məsələlərinə artan diqqət və marağdan dolayı hər il bu ekoloji aksiyaya böyük sayda könüllülər, qurumlar və şirkətlər qoşulmaqdadır. Bu il pandemiya ilə bağlı olaraq ölkəmizdə bir qədər fərqli formatda Beynəlxalq Sahilyanı Təmizlik Günü ekoloji aksiya ilə qeyd ediləcək. Əvvəlki illərdən fərqli olaraq sosial məsafə qaydasına riayət etmək məqsədilə bu dəfə aksiya 10 nəfərdən ibarət bir neçə qruplar tərəfindən xüsusi ayrılmış sektorlar üzrə həyata keçiriləcək. 

#Xəzəriqoruyaq şüarı ilə keçiriləcək təmizlik aksiyasında hər il yüzlərlə gənclər, şirkət əməkdaşları, onların ailə üzvləri iştirakı edir. Tədbirin məqsədi ölkədə ekoloji durumun yaxşılaşdırılması, əhalinin maarifləndirilməsi və ətraf mühitə məsuliyyətlə yanaşmanı təbliğ etməkdir. Bütün aksiya iştirakçıları təşkilatçılar tərəfindən nəqliyyat, idman köynəkləri, sərinləşdirici içkilər və qida, həmçinin təmizlik ləvazimatları ilə təmin olunurlar.

 Azərbaycan Respublikası Nazirlər Kabineti yanında Operativ Qərargahın müvafiq qərarına uyğun olaraq bütün aksiya iştirakçıları tibbi maska və antiseptik vasitələrlə təmin olunacaqlar və sosial məsafənin qorunması, o cümlədən Azərbaycan Respublikasının ərazisində tətbiq edilən xüsusi karantin rejimi dövründə mövcud məhdudiyyətlər nəzərə alınaraq təşkil olunacaqdır.

Qeyd edək ki, Azərbaycanda son 9 il ərzində keçirilən analoji birgünlük aksiya çərçivəsində Xəzər dənizinin çimərliklərinin 40 hektara yaxın ərazisi təxminən 35 ton məişət tullantısından təmizlənib. Təmizlənən ərazilərdən toplanan tullantılar qeydə alınaraq məlumatlar “Ocean Concervancy” beynəlxalq təşkilatına göndərilir. Həmin məlumatlar isə öz növbəsində dünya su hövzələrinin təmizlənməsi haqqında ölkələr üzrə beynəlxalq hesabatlarda əks olunur.

Bizimlə çalış

Komandamıza qoşul

Komandamıza qoşul

Sən də ölkədə ən böyük pivə istehsalçısının daha da genişlənməsi və inkişaf etməsi üçün çalışan komandamızın üzvü olmaq istəyirsən? Biz bazarda Uğurlu, Peşəkar və Cəlbedici pivə istehsalçısı olmaq üçün çalışırıq.

Tərəfdaşımız ol

Tərəfdaşımız ol

Əməkdaşlıq imkanları haqqında məlumat əldə et

Carlsberg Azerbaijan

“Carlsberg Azerbaijan” pivə zavodu Xırdalan şəhərində, Azərbaycanın paytaxtından 10 km məsafədə yerləşir. Şirkət ölkədə ən böyük pivə istehsalçısıdır.

1969-ci ildə əsası qoyulan müəssisə keçmiş SSRİ-də ən müasir pivə zavodlarından biri idi.

Fransız şirkəti Group Castel tərəfindən həyata keçirilən irimiqyaslı yenidənqurma işlərindən sonra zavod 2000-ci ildə yenidən açıldı. Rəsmi açılışda Azərbaycan Respublikasının Prezidenti iştirak etmişdir.

2008-ci ildə Baltika Breweries zavodun səhmlərini əldə etmişdir və şirkətin adı 2009-cu ilin yanvarında Baltika-Bakı-ya dəyişilmişdir.

Yeni avadanlığa və texnologiyaya edilən böyük yatırımlardan sonra zavod hazırda olduğu kimi müasir pivə istehsalı müəssisəsinə çevrildi.

2017-ci ilin fevral ayında şirkət Carlsberg Group-a inteqrasiya prosesinin davamı olaraq Carlsberg Azerbaijan adlandırılmışdır.

 

Bizi xəritədə tap

Bizi izlə